Este centro realiza e participa, á súa vez, en múltiples actividades, especialmente nos programas que anualmente convoca a Consellería de Emigración como son:
- Cursos de lengua e literatura galega
- Cursos de extensión cultural
- Cursos de danza e música tradicional
- Cursos de especialización en Galicia
- Actividades de campamento “Rotas coñece Galicia”
- Reencontros- Cursos de informática
- Achega de fondos bibliográficos
- Achega de material deportivo cos símbolos de Galicia
Conta cunha publicación periódica de gran tirada: a revista “Galicia en Mar del Plata”, editada polo Instituto Argentino de Cultura Gallega; e tamén cun programa de radio “Ventana a Galicia”.
Entre as súas actividades tamén cabe destacar o evento cultural que cada ano se celebra en beneficio da municipalidade, distribuindo todo o recaudado entre os máis necesitados; e a cea anual en beneficio do Hogar Gallego de Ancianos de Domselaar. Nestes actos e moitos outros que organiza o centro e habitual a participación do seu grupo artístico.
En outubro do ano 2004, e auspiciado polo Centro Gallego, proxectouse no Museo del Mar da cidade a longametraxe documental da cinematografía galega “Castelao y los Hermanos de la Libertad”, escrito, dirixido e producido por Xan Leira.
O presidente do Centro Galego, D. Francisco Solla Crespo, asistiu ó VII Pleno do Consello de Comunidades Galegas celebrado en Bos Aires no mes de novembro de 2003, e participou como ointe na ponencia nº 1: Asistencia social a emigrantes galegos e retornados.
